موقع شوف عقار
أستقرار  -  إستثمار -  دقة الإختيار

تسجيل

















مجلة شوف عقار- العقارية

عايز تشطب شقتك صح ؟

عايز تشطب شقتك صح ؟ 2017-03-13

عندك شقة جديدة على الطوب وعايز تشطبها تشطيب محترم ؟ غالبا أنت بتستعين بمقاول تشطيبات أو تقوم بالمهمة بنفسك أنك تتفق مع كل عامل على حدة يعني مبيض المحارة ، والكهربائي، والسباك، والنقاش .. وهكذا .. في كل الأحوال لازم وضروري تحدد طلباتك وتتفق عليها وتكتب كل ما تم الأتفاق عليه بينك وبين المقاول أو العامل علشان تضمن أنه ميغيرش اللي اتفقتم عليه . _أول شيء بيتم عمله هي المحارة والمحارة أساس التشطيب وهي أساس شقتك طول العمر لأن لو محارتها أي كلام يبقى تأكد أنك خسرت فلوس الدهانات مهما كانت مكلفة .. يبقى تستعين بمتخصص ماهر في المحارة مش عامل مبتديء. _ونيجي للسباكة وهي معاناة معظم العقارات سواء شقق أو فيلل أو عمارات .. لازم تستخدم خامات جيدة جدا وأماكن الصرف تكون منطقية لأن فيه ناس بتخترع أماكن على مزاجها لكن ضع في إعتبارك حدوث أي مشكلة أو أنسداد في المواسير هايدمر كل دورة السباكة . _الكهرباء متستخسرش فيها فلوسك لأنك بتأسس حاجة للمستقبل.. أعمل حسابك لأي أضافة في الأجهزة الكهربائية وخاصة التكييفات .. لازم تعمل حسابك في الأسلاك والتوصيلات تكون جيدة جدا ونوعية ممتازة حتى لا تتعرض لماس كهربائي أو حريق لاقدر الله . _السيراميك مهم جدا التعامل مع صنايعي شاطر ومحترف خاصة في سيراميك المطبخ والحمام علشان تجميع المياه في مكان معين ويصعب التعامل معها ودا سببه تركيب غلط للسيراميك . أصرف على شقتك الجديدة ومتبخلش عليها لأنك بتأسس بنية داخلية متينة وهاترتاح بعدين .

اضغط هنا لمزيد من التفاصيل عودة لصفحة المجلة