موقع شوف عقار
أستقرار  -  إستثمار -  دقة الإختيار

تسجيل

















إزاي تتعود على بيتك الجديد .. !

إزاي تتعود على بيتك الجديد .. !

إزاي تتعود على بيتك الجديد .. ! 2017-03-16

مرهق جدا النقل من مكان لمكان نفسيا وبدنيا، وبيحصل لخبطة في المشاعر مابين بيت جديد أفضل وبين بيت قديم فيه ذكريات وأعتياد؛ علشان كدا بيحصل نوع من الأكتئاب أو التوتر مبنقدرش نسيطر عليه أحيانا .. لكن كل مشكلة ولها حل وضروري نقتنع أن كل شيء له مساوئ ومميزات .. أنما هاركز على مميزات الأنتقال لبيت أفضل وغالبا هايبقى أكبر وأوسع؛ بكدا هايبقى فرصة التجديد في الآثاث متاحة وربما يتم تغيير الآثاث بالكامل . وبداية عند الأنتقال للبيت الجديد أول شيء تقوم به هو فرش آثاث الغرف الكبيرة هايسهل كتير جدا وهايترك مكان خالي لبقية الأشياء، وبعدين نبدا بفتح الصناديق والكراتين اللي فيها الزجاج والملابس وتوضع في اماكنها وبكدا هاتكون تقريبا معظم الأشياء في أماكنها .. بعدين أبدأ أشوف النواقص اللي محتاجاها وأشتريها فورا علشان متحسش بتوتر وتحس بغربة في البيت الجديد . الحماس من أول يوم والعمل فيه دا هايعطي شعور بالألفة والتعود التدريجي للمكان . حاول تتعرف على الجيران الملاصقين بيك وتبدأ أنت بطرق بابهم والتعرف عليهم بوجه بشوش ويا حبذا لو أخدت معاك طبق فيه حاجة حلوة من البيت وتعزمهم يشربوا شاي عندك وتتعرفوا؛ هاتحس بأنس وهاتزول رهبة المكان . لازم تسأل جيرانك عن الأماكن الخدمية في المنطقة وتستفسر عن كل شيء ومتقولش أنا هاعرف بنفسي لأنك بكدا هاتكون معرض للتضليل من قبل البعض . صحيح التعود على مكان جديد مش سهل أبدا لكن بالتأقلم والأرتياح للمكان هاتبدأ تدريجيا تتعود وتعيش بسلام ..

اضغط هنا لمزيد من التفاصيل عودة لصفحة المجلة