موقع شوف عقار
أستقرار  -  إستثمار -  دقة الإختيار

تسجيل

















العين السخنه خلينا متفقين ان السخنه مشتى قبل ماتكون مصيف

العين السخنه خلينا متفقين ان السخنه مشتى قبل ماتكون مصيف 2017-05-27

العين السخنه
خلينا متفقين ان السخنه مشتى قبل ماتكون مصيف ومن المعروف ان السخنه من الاماكن اللى مهما روحتها مش هتزهق منها ابدا وده لانها فيها مجموعه مميزات نادر اما تلاقيها فى مكان تانى ... زى ايه ؟؟ تعالى نعدهم سوا
اولا : قربها من اى مكان انت ساكن فيه يعنى لو فى التجمع او المعادى او مدينه نصر .... الخ هتاخد وقت تقريبا ساعه او ساعه ونص كانه مشوار عادى هتروحه لان المسافه اللى مابينها ومابين القاهره 140 كيلومتر تقريبا ولمعلوماتك السخنه تعتبر مكان استثمارى وسياحى ناجح جدا
ثانيا : مكان ملىء بالتجديد دايما فيه منتجعات وفنادق على اعلى مستوى يعنى انت ممكن تعمل day use وترجع تانى
انت واصحابك
(ايه بقى اشهر المنتجعات اللى هتلاقيها هناك )
منتجع موفمبيك
منتجع ريتال فيو
لاسيرينا بيتش .....الللخ
طب تعرف ليه سميت بالعين السخنه اصلا =D
لان فيها عيون كبريتيه ساخنه كتيره وبنقدر نستخدمها فى شفاء بعض الحالات المرضيه
نرجع تانى لنقطه ان السخنه مكان استثمارى ناجح وسياحى !!! هوضحلك ازاى ؟؟
هى خط مابين خليخ السويس والبحر الاحمر بالنسبه للاستثمار ده عشان هناك فى حقول للبترول ومشاريع للتكرير
اهم فنادق وافضلهم بالسخنه
فندق ستيلا دى مارى
بورتو السخنه
كانكون بيتش ريزورت
باليميرا بيتش ريزورت
رومانس
تيدا سويس ان بلازا & اكوا بارك
وغيرهم كتير جدااااا
اشهر القرى السياحيه بالسخنه
مبدئيا كل القرى السياحيه تحتوى على مجموعه مرافق وخدمات اساسيه حمامات سباحه ومنطقه ملاهى امنه
قريه الوادى : على بعد60دقيقه وبس من القاهره وقريب من منتجع ستيلا دى مارى
قريه الحياه : قريب من بورتو السخنه وعند 165كم وهتلاقى فيه مول تجارى وفندق 4نجوم على البحر
قريه الزهور : من قرى القوات المسلحه اللى بيستخدمها الضباط والمدنيين وفيها كافيهات مختلفه ومشهوره جدا
قريه تيوليب : عند الكيلو 38 طريق السخنه الزعفرانه
قريه اللؤلؤه : عند كيلو 23كم فيها مطاعم متنوعه وحمامات سباحه
طبعا فى قرى سياحيه كتييره جداااا
نتكلم بقى عن شواطىء السخنه
شاطىء قريه اميجو :
عند 33كم من مميزاتها ان فيها مساحات خضراء كتيره ووسع يريح العين كمان قريه اميجو من القرى 3نجوم فيها 2حمام سباحه لسن اقل من 12 سنه
كل غرفه فى الفندق مكيفه وفيها كل الخدمات وكمان هنلاقى مكان خاص للاطفال يقدروا يستمتعوا بيه وفيه
شاطىء واحه مينا : نسبه البعد حوالى 120كم للقاهره فيها مجموعه شاليهات روعه وفندق ممتاز فيه كل وسائل الترفيه اللى هتحتاجها
شاطىء قريه هورايزون : ده بقى عند 46كم للقاهره
فندق 3نجوم وفيه كل الخدمات سواء للاطفال او للكبار
كده بقى عرفتوا نبذه بسيطه عن السخنه
www.shof3qar.com/searches/Tourist-areas/Al-Ain-Sukhna/

عودة لصفحة المجلة


عقارات